SCHÖLERS LEEST PLATT

Dat weer bannich opregend för 5 Jungs und een Deern ut de 5. bet 7. Klass vun de Eider-Treene-School in Tönn. Denn am 11.Dezember in de erste Stunn sulln se wiesen, dat se ornlich övt haarn un nu de Text, de se vörlesen wulln, betont und un flüssig in perfekte Utspraak fördräägen kunn. De Jury (Fru Christiansen, Fru Rother un Herr Asmussen als Vörsitter) harrn sick mit Stift und Beurdeelungszeddel in de erste Reeg sett. Een na de anner lesten de Jungs un de Deern an de Pult vör – wer wann lesen schull, wer vörher utlost woorn. Un se lesten good. Dat weer een Spaaß totohörrn. As alle vörlest harrn, besnackte sick de Jury un keem denn to folgende Ergebnis.

  • 1.    Alle harrn ornlich övt un good vörleest.
  • 2.    Op Platz 4 keemen Morten Ponath, Hendrik Hansen un Lars Peper.
  • 3.    De dritte Platz schaffte Jaqueline Koch.
  • 4.    Knapp woor dat twischen de Cousins Jan-Hendrik Radtke un Fynn-Marvin Thoms – beide ut Witzwort. Letzenns harr Fynn-Marvin een poor Punkte mehr op de Wertungszeddel  as sin Cousin un woor as beste Plattleser vun de School utteknet.
  • 5.    Alle Vörlesers kregen een kleen Pris. För de ersten beiden harr de Sporkass ut Tönn Prise stiftet.  

 

Text und Fotos: Herr Asmussen